Abaı oblysynda joǵalyp ketken 3 adamdy izdeýge tikushaq tartyldy
SEMEI. KAZINFORM – Abaı oblysy Aıagóz aýdanynda ózende joǵalyp ketken 3 adamdy izdeýge tikushaq tartyldy.
Osyǵan deıin Aıagóz aýdanynda Borly ózeni arqyly joldy qysqartpaq bolǵan eki adamnyń iz-tússiz joǵalǵany habarlanǵan. 4 kún buryn taǵy bir adam dál osy ózende joǵalyp ketken edi. Úsh er adamdy izdestirý jumystary áli de jalǵasyp jatyr.
«Іzdestirý jumystaryna Abaı oblysynyń TJD, Polıtsııa departamenti, jergilikti atqarýshy organdar men áskerılerden jalpy sany 82 adam, 4 júzý quraly, 9 tehnıka, 4 pılotsyz ushý apparaty jumyldyryldy. Jergilikti turǵyndar da kómekke kelip jatyr. Sý túbiniń laı bolýy jáne aǵynnyń qattylyǵy súńgýirlerge kedergi keltirýde», - dep habarlady Abaı oblysy ákimdiginiń baspasóz qyzmeti.
Saǵat 18.26-da MI-17 tikushaǵy tartylyp, Borly ózeni boıyna aerovızýaldy baqylaý jasaldy. Alaıda bul da nátıje bermedi.
Qazirgi ýaqytta izdeý-qutqarý jumystary kesh qaraıýyna baılanysty ýaqytsha toqtatyldy.
