Abaı oblysynda joǵalǵan 7 jastaǵy bala aýyldan 4 shaqyrym jerden tabyldy
ASTANA. KAZINFORM — Abaı oblysynda polıtsııa qyzmetkerleri Úrjar aýdanynda joǵalyp ketken jeti jasar balany izdep tapty. Ol eldimekennen birneshe shaqyrym qashyqtyqtaǵy aýyl sharýashylyǵy alqabynan tabyldy. Bul týraly Polisia.kz jazdy.
Kúndiz ájesi men atasynyń qaraýynda bolǵan bala ózdiginen úı aýlasynan shyǵyp ketken. Týystary ony óz betterinshe izdegenimen, nátıje bolmaǵan. Sodan keıin olar polıtsııaǵa júgingen. Balanyń ájesi onyń damý erekshelikteri bar ekenin aıtyp, múmkindiginshe tezirek kómek kórsetýdi suraǵan.
Polıtseıler dereý izdestirý jumystaryna kirisip, aýlalardy, kóshelerdi jáne sý aıdyndarynyń mańyndaǵy aýmaqtardy aralap, balanyń bolýy múmkin jerlerdi teksergen. Saǵat 16:00 shamasynda polıtsııa kapıtany Azamat Dúısebaev pen polıtsııa aǵa leıtenanty Rolan Baıtleýov balany Úrjardan tórt shaqyrym jerdegi aýyl sharýashylyǵy alqabynan tapqan. Bul qýanyshty habar birden onyń jaqyndaryna jetkizildi.
Polıtsııa qyzmetkerleriniń jedel ári úılesimdi áreketteriniń arqasynda izdestirý jumystary sátti aıaqtaldy.
