Abaı oblysynda jyl basynan beri qarsy baǵytqa shyǵýdyń 55 dereginiń joly kesildi
ASTANA. KAZINFORM — Jol erejesin buzýdyń basym bóligi drondardyń kómegimen anyqtaldy, dep habarlaıdy Abaı oblystyq PD baspasóz qyzmeti.
Abaı oblysynda jol qozǵalysy qaýipsizdigine baqylaý kúsheıtilip jatyr. Qarsy baǵytqa shyǵý — jol qozǵalysy erejelerin óreskel buzýdyń eń qaýipti túrleriniń biri. Bul áreket kóbine aýyr saldarly jol-kólik oqıǵalaryna tikeleı sebep bolyp jatady, óıtkeni qarsy kele jatqan kólikpen soqtyǵysý qaýpi birneshe ese artady jáne júrgizýshiniń reaktsııa jasaý ýaqyty kúrt qysqarady.
Jyl basynan beri qarsy baǵytqa shyǵýdyń 55 faktisiniń joly kesildi. Árbir fakti boıynsha polıtsııa qyzmetkerlerimen túsindirý jumystary júrgizildi. Sondaı-aq, jol erejesin buzýdyń birqatary drondardyń kómegimen anyqtaldy.
Patrýldik polıtsııanyń táýlik boıǵy jumysy nátıjesinde joldaǵy tártipti buzý derekteri jedel toqtatylyp, qaýiptiń aldyn alý júıesi kúsheıtildi.
Jol — tek qozǵalys keńistigi emes, bul adam úshin jaýapkershilik. Osyǵan baılanysty Abaı oblysy PD patrýldik polıtsııa rotasy profılaktıkalyq jáne jedel baǵytta jumystar júrgizip jatyr.
Abaı oblysy PD Patrýldik polıtsııa rotasynyń komandıri polıtsııa podpolkovnıgi Aıdyn Qańtarbaevtyń sózinshe, qarsy baǵytqa shyǵý — jaı ǵana ereje buzý emes, bul óz ómirińdi de, ózgeniń ómirin de táýekelge tigý.
— Biz árbir oqıǵany tek tirkep qoımaımyz, onyń aldyn alýǵa jumys isteımiz. Joldaǵy tártip — bul qorqytý emes, bul mádenıet. Al mádenıet ár júrgizýshiniń ózinen bastalady. Ár reıd — tekseris emes, ár toqtatylǵan kólik — yqtımal qaıǵyly oqıǵanyń aldyn alý, — dedi ol.
Vedomstvo málimetinshe, qarsy baǵytqa shyǵý sııaqty óreskel buzýshylyqtar qatań baqylaýda jáne turaqty profılaktıkalyq sharalardyń basty nysanynda bolady.
Budan buryn Abaı oblysynda jyl basynan beri 1500-ge jýyq jaıaý júrginshi jol erejesin buzǵanyn jazǵanbyz.
