Abaı oblysynda jyl basynan beri 1500-ge jýyq jaıaý júrginshi jol erejesin buzǵan
ASTANA. KAZINFORM — Abaı oblysynda polıtseıler ereje buzǵan jaıaý júrginshilerge eskertý jasady, dep habarlaıdy Polisia.kz.
Abaı oblysynyń aýmaǵynda jaıaý júrginshilerdiń joldy belgilenbegen jerden kesip ótip, óz ómiri men aınalasyndaǵylardyń qaýipsizdigine qater tóndirý jaǵdaılary jıi kezdesedi. Sońǵy derekterge sáıkes, jyl basynan beri 1456 jaıaý júrginshi jol qozǵalysy erejelerin buzyp, joldy ruqsat etilmegen jerden kesip ótken.
— Osyǵan baılanysty Abaı oblysynda polıtseıler azamattardy jol qozǵalysy erejelerin qatań saqtaýǵa shaqyrady. Quqyq qorǵaý organdary quqyq buzýshylyqtardy anyqtap, jaýapkershilikke tartýmen qatar, aldyn alý sharalaryn da kúsheıtip keledi. Atap aıtqanda, patrýldik baqylaý jumystary kúsheıtilip, oqý oryndary men qoǵamdyq oryndarda túsindirý sharalary júrgiziledi. Sonymen qatar jol qaýipsizdigi mádenıetin qalyptastyrýǵa baǵyttalǵan aqparattyq naýqandar uıymdastyrylady, — delingen habarlamada.
Eske sala keteıik, Aqtóbede jyl basynan beri jol-kólik apatynan 27 adam kóz jumdy.
