Abaı oblysynda jetýi qıyn aýmaqta qamys órti shyqty
ASTANA. KAZINFORM — Abaı oblysynyń Úrjar aýdanyndaǵy Qarakól aýyldyq okrýginiń Peresheıka ýchaskesinde «Ǵarysh Sapary» AQ geoaqparattyq servısiniń monıtorıngi barysynda termııalyq núkte anyqtaldy. Bul týraly TJM baspasóz qyzmeti málim etti.
— Oqıǵa ornyna TJM kúshteri men quraldary jedel jiberildi. Barlaý barysynda Sasyqkól kóliniń jaǵalaýyndaǵy jetýi qıyn batpaqty aýmaqta shamamen 30 gektar jerde qurǵaq shóp pen qamystyń janǵany anyqtaldy, — delingen habarlamada.
Mamandardyń aıtýynsha, órt shyqqan jerge tehnıka bara almaıtyndyqtan, órtti aýyzdyqtaý qıynǵa soqqan. Soǵan qaramastan, TJM qutqarýshylary órtti oqshaýlaý jáne sóndirý jumystaryn júrgiziip jatyr.
Eldi mekenderge qaýip joq. Jaǵdaı baqylaýda.
Aıta keteıik, elimizde bir táýlikte naızaǵaı saldarynan tórt orman órti tirkeldi.
