Abaı oblysynda jeke sot oryndaýshylar 20 mln teńgeniń salyǵyn tólemegen
SEMEI. KAZINFORM – Semeı prokýratýrasy jeke sot oryndaýshylarynyń qyzmetine júrgizgen josparly tekserý barysynda 20 mln teńgeden astam somaǵa salyq tóleýden jaltarý deregin anyqtady, dep habarlaıdy oblys prokýratýrasynyń baspasóz qyzmeti.
Keıbir sot oryndaýshylar óndirip alynǵan aqsha boıynsha esepti tolyq bermegen, keı jaǵdaıda burmalanǵan derekterdi usynǵan. Bul salyq bazasynyń tómendeýine, sonyń saldarynan memleket bıýdjetine tólemderdiń azaıýyna ákeldi.
Mundaı áreket tek salyq zańnamasyn buzyp qana qoımaı, adal salyq tóleýshilerge qatysty ádilettilik qaǵıdattaryn da buzady.
Prokýratýra qabyldaǵan sharalardyń nátıjesinde bıýdjetke 8 mıllıon teńgeden astam qarjy tústi. Bul qarajat sot sheshimderin oryndaý salasynda qarjylyq ashyqtyqty qalpyna keltirý boıynsha maqsatty jumystyń nátıjesi boldy.
Osyǵan deıin robot sot oryndaýshylardyń 1,2 mıllıard teńgeden astam qarjyny únemdegeni týraly jazdyq.