Abaı oblysynda jasy 50-den asqan sottalǵan adam alǵash ret mektepke barady

SEMEI. KAZINFORM — Abaı oblysyndaǵy túzetý mekemesinde jazasyn ótep jatqan 53 jastaǵy azamat mektep baǵdarlamasyn endi oqymaq.

Óńirdegi № 20 túzetý mekemesindegi sottalǵandar № 2-shi jalpy bilim beretin mektepke baryp sabaq oqymaq. Olardyń arasynda 21 men 53 jas aralyǵyndaǵy qyryqtan astam adam bar. 
Sonyń ishinde 53 jastaǵy azamat alǵash ret mektepke baraıyn dep otyr.

— Balalyq shaǵym eki qaryndasymdy baǵýmen, olardy asyraımyn dep tabys tabýmen ótti. Ata-anamyz ishimdikke áýes bolǵandyqtan mende oqýǵa múmkindik bolmady. Sol kezde bilimsiz-aq jetistikke jete alamyn dep oıladym. Biraq jastyq shaǵym túzetý mekemelerinde ótti. Endi bári basqasha bolýy múmkin ekenin túsindim. Eger bilimim bolsa onda mamandyq taýyp, ómir jolymdy basqasha qurar edim. Búgin men osynda bolǵandyqtan, oqýǵa eshqashan kesh emes dep sheshtim, — dedi ol.

Eske salsaq, osyǵan deıin túrmelerde uıaly baılanysqa baqylaý kúsheıtiletindigi habarlanǵan.