Abaı oblysynda jańa jyl túni 2 myńnan as polıtseı qoǵamdyq tártipti qamtamasyz etti
ASTANA. KAZINFORM — 2025 jylǵy 31 jeltoqsannan 2026 jylǵy 1 qańtarǵa qaraǵan túni Abaı oblysynda 2 myńnan asa polıtseı merekelik is-sharalar barysynda qoǵamdyq tártip pen turǵyndardyń qaýipsizdigin qamtamasyz etý maqsatynda kúsheıtilgen rejımde qyzmet atqardy.
Abaı oblysy PD baspasóz qyzmetiniń málimetinshe, Jańa jyl túni eleýli qylmystyq oqıǵalar tirkelgen joq.
— Atalǵan ýaqyt aralyǵynda «102» arnasyna shamamen 180 habarlama kelip tústi. Ótinishterdiń basym bóligi kólik quraldarynyń durys qoıylmaýyna baılanysty boldy — keıbir jaǵdaılarda avtokólikter basqa jol qozǵalysyna qatysýshylardyń ótýi men shyǵýyna kedergi keltirgen. Sondaı-aq jeke zattardyń, atap aıtqanda sómkeler men ámııandardyń joǵalýyna qatysty habarlamalar tirkeldi, — delingen habarlamada.
Sonymen qatar, negizinen turmystyq jáne kezdeısoq jaraqattarǵa baılanysty medıtsınalyq mekemelerge 15 adam júgindi. Olardyń ishinde pırotehnıkalyq buıymdy qoldaný saldarynan balanyń kózin kúıdirip alý deregi bar.
Merekelik túni alkogoldik masań kúıge baılanysty eki jaǵdaı, azamattarǵa qatysty alaıaqtyqtyń tórt faktisi jáne kólik quralyn alkogoldik masań kúıde basqarýdyń bir deregi anyqtaldy.
Budan bólek, otbasylyq janjaldarǵa qatysty birneshe habarlama tústi. Árbir habarlama boıynsha polıtsııa qyzmetkerleri jedel áreket etip, qoldanystaǵy zańnamaǵa sáıkes tıisti sharalar qabyldady.
Abaı oblysynyń Polıtsııa departamenti turǵyndarǵa jeke qaýipsizdikke jaýapkershilikpen qaraǵany jáne quqyq buzýshylyqtar týraly ýaqytyly habarlaǵany úshin alǵys bildiredi.
Budan buryn Qazaqstanda eń jıi salynatyn aıyppuldar somasy ulǵaıǵanyn jazǵan edik.