Abaı oblysynda jábirlenýshilerge 17,8 mln teńge qaıtaryldy

ASTANA. KAZINFORM — Abaı oblysynyń polıtsııasy alaıaqtyqqa qarsy aýqymdy jumys júrgizip jatyr. 

Jyl basynan beri Abaı oblysynda 756 alaıaqtyq faktisi tirkeldi.

Júrgizilgen maqsatty jedel-izdestirý is-sharalarynyń nátıjesinde 113 qylmystyq is boıynsha 22 alaıaq ustaldy.

— «Antıfraýd» júıesi arqyly 26 mln 228 myń teńge buǵattalyp, qylmyskerlerdiń qolyna túspeı qaldy. Sonymen qatar, Abaı oblysynyń polıtsııa departamenti jábirlenýshilerge 17 mln 800 myń teńgeni qaıtardy, bul atqarylyp jatqan jumystyń naqty nátıjesin kórsetedi, — delingen polıtsııa habarlamasynda.

Aıta ketelik kásipkerlerdi 126 mln teńgege aldaǵan alaıaq Qyrǵyzstanda ustaldy.