Abaı oblysynda zańsyz jumys istegen eki aǵash kesý tsehynyń qyzmeti toqtatyldy
ASTANA. KAZINFORM — Abaı oblysynyń mamandandyrylǵan tabıǵat qorǵaý prokýratýrasy júrgizgen tekserý barysynda sý qorǵaý beldeýiniń aýmaǵynda ornalasqan jáne zańnama talaptaryn buza otyryp qyzmetin júzege asyrǵan eki aǵash óńdeý nysany (aǵash kesý tsehy) anyqtaldy. Bul týraly Bas prokýratýra málim etti.
Atalǵan kásipkerlik sýbektileri tıisti ruqsat qujatynsyz (habarlama bermeı) kásipkerlik qyzmetpen aınalysqan.
— Anyqtalǵan zań buzýshylyqtar boıynsha kináli tulǵalar Qazaqstan Respýblıkasy Ákimshilik quqyq buzýshylyq týraly kodeksiniń 463-babynyń 1-bóligine sáıkes (tıisti ruqsatsyz (habarlamasyz) kásipkerlik qyzmetpen aınalysý) ákimshilik jaýaptylyqqa tartylyp, olarǵa tıisinshe 15 jáne 25 aılyq eseptik kórsetkish mólsherinde aıyppul salyndy, — delingen habarlamada.
Órt qaýpi joǵary kezeńde aǵash kesý tsehtarynyń jumys isteýi erekshe alańdaýshylyq týǵyzady. Aǵash óńdeý nysandary aǵash qaldyqtarynyń kóp mólsherde jınalýy, janǵysh materıaldardyń bolýy jáne órttiń shyǵýyna sebep bolýy múmkin jabdyqtardyń paıdalanylýyna baılanysty órt qaýpi joǵary obektiler sanatyna jatady.
Abaı oblysynyń prokýratýrasy kásipkerlik sýbektileriniń nazaryn tabıǵat qorǵaý, sý jáne kásipkerlik salasyndaǵy zańnama talaptaryn múltiksiz saqtaýdyń mańyzdylyǵyna aýdarady.
Mamandar osyndaı nysandardy paıdalaný kezinde zańnama talaptarynyń buzylýy órtterdiń shyǵýyna, qorshaǵan ortaǵa, sý obektilerine jáne orman qoryna zııan keltirýge, sondaı-aq azamattardyń ómiri men densaýlyǵyna qaýip tóndirýge ákep soǵýy múmkin ekenin eskertti.
Aıta ket eıik, prokýratýra 5,8 mlrd teńgelik ınvestjobany zańsyz tekserýden arashalap qaldy.
