Abaı oblysynda zańsyz aǵash kesýdiń 12 deregi anyqtaldy
ASTANA. KAZINFORM — 2025 jyly oblys polıtseıleri aǵashtar men butalardy zańsyz kesý, joıý nemese zaqymdaý derekteriniń aldyn alý jáne anyqtaý boıynsha keshendi sharalar qabyldady, dep habarlaıdy Abaı oblysy PD baspasóz qyzmeti.
— Jyl basynan beri quqyq qorǵaý organdary tabıǵatqa qarsy baǵyttalǵan quqyq buzýshylyqtardyń aldyn alý jáne jolyn kesý maqsatynda jedel-profılaktıkalyq is-sharalar uıymdastyrdy. Sonyń nátıjesinde orman jáne jasyl aımaqtarǵa keltirilgen zııanǵa qatysty 12 zańsyz fakt anyqtalyp, joly kesildi. Bul kórsetkish ekologııalyq qaýipsizdikti qamtamasyz etýge baǵyttalǵan baqylaý jumystarynyń tıimdiligin kórsetedi. Atalǵan quqyq buzýshylyqtar negizinen ruqsatsyz aǵash kesý, butalardy zańsyz joıý jáne tabıǵı ósimdikterdi ádeıi zaqymdaý faktilerimen baılanysty, — delingen PD taratqan aqparatta.
Abaı oblysy Polıtsııa departamenti tabıǵatty qorǵaý — árbir azamattyń ortaq mindeti ekenin atap ótedi. Jasyl jelek óńirdiń ekologııalyq turaqtylyǵyn saqtaıtyn mańyzdy resýrs sanalady. Osyǵan baılanysty tártip saqshylary turǵyndardy zań talaptaryn saqtaýǵa, tabıǵatqa uqypty qaraýǵa jáne quqyq buzýshylyq faktilerine kýá bolǵan jaǵdaıda polıtsııa organdaryna habarlaýǵa shaqyrady.
Osyǵan deıin Pavlodarda orman qorǵaý mekemesiniń qyzmetkeri zańsyz aǵash kesýmen aınalysqanyn jazǵanbyz.