Abaı oblysynda úsh jańa basqarma qurylady
Úkimet qaýlysyna sáıkes Abaı oblysyna memlekettik qyzmetshilerdiń shtat sanyna qosymsha lımıt bólindi. Osyǵan baılanysty oblystyń basqarý shemasyn ózgertý qajettigi týyndady. Bul týraly Abaı oblysy máslıhatynyń kezekten tys sessııasynda oblys ákimi apparatynyń basshysy Jasulan Sársebaev aıtty, dep habarlaıdy Kazinform.
Salalyq nusqaýlarǵa sáıkes derbes qurylymdyq bólimshe retinde úsh jańa basqarma qurý josparlanǵan:
- Jumyldyrý daıyndyǵy jónindegi basqarma;
- Din isteri basqarmasy;
- Tsıfrlyq damý basqarmasy.
Sonymen qatar, memlekettiń jer, qala qurylysy jáne agrarlyq saıasatyn ýaqtyly iske asyrý, atalǵan salalarda sapaly jańa deńgeıge qol jetkizý, sondaı-aq memlekettik qyzmetter kórsetý sapasyn arttyrý maqsatynda, Abaı oblysynyń qurylys, sáýlet jáne qala qurylysy basqarmasyn jáne Abaı oblysynyń aýyl sharýashylyǵy jáne jer qatynastary basqarmasyn olardan sáýlet, qala qurylysy, Abaı oblysynyń sáýlet, qala qurylysy jáne jer qatynastary basqarmasyn qurý.
Budan bólek, jumystyń ereksheligine qaraı Abaı oblysynyń qoǵamdyq damý basqarmasynyń ataýyn Abaı oblysynyń ishki saıasat basqarmasy dep ózgertý josparlanyp otyr.
Oblysty damytýǵa baǵyttalǵan qoıylǵan mindetterdi ýaqtyly jáne sapaly iske asyrýdy qamtamasyz etý úshin Abaı oblysyn basqarý shemasyn ózgertý máselesi qoldaý tapty.
