Abaı oblysynda ulttyq parkte jumys istemegen adam 4 jyl boıy jalaqy alyp otyrǵan

SEMEI. KAZINFORM – Abaı oblysyndaǵy ulttyq parkte jumys istemegen adam 4 jylda 5,5 mln teńge jalaqy alǵan.

Oblys prokýratýrasy «Tarbaǵataı» memlekettik ulttyq tabıǵı parki basshysynyń týysyn zańsyz jumysqa alǵanyn anyqtady.

«Belgili bolǵandaı, ol óz aǵasyn orman qorǵaý jónindegi memlekettik ınspektor retinde jumysqa alǵan. Aǵasy 4 jyl boıy fýnktsıonaldyq mindetterin naqty oryndamaı jalaqy alyp kelgen. Prokýratýranyń qadaǵalaý aktisi negizinde «Tarbaǵataı» memlekettik ulttyq tabıǵı parki talaby boıynsha sot odan 5,5 mln teńge kóleminde zańsyz alynǵan jalaqyny óndirý týraly sheshim shyǵardy», - dep habarlady Abaı oblysynyń prokýratýrasynan.

Búginde sot sheshimi zańdy kúshine enip, zańsyz tólengen soma memleketke qaıtaryldy.