Abaı oblysynda TJM qyzmetkerleri órtti sóndirdi

ASTANA. KAZINFORM –   Maqanshy aýdany Maqanshy aýylynda jeke turǵyn úıdiń aýlasynda bir shatyrdyń astyndaǵy garaj, dúken jáne sharýashylyq qurylysy janǵan.

Órt sóndirý jasaqtary oqıǵa ornyna tórt mınýtta jetti. 

Órttiń kesh habarlanýynan jáne shatyrdyń aǵashtan jasalýyna baılanysty órt órshı túsken.

Qutqarýshylar syıymdylyǵy 50 lıtr bolatyn eki gaz ballonyn qaýipsiz jerge shyǵaryp, 140 sharshy metr alańdaǵy órtti sóndirdi.

Zardap shekkender joq, sebebi anyqtalýda. 

Astanada turǵyn úılerdiń órtke qarsy qaýipsizdik júıesin jańǵyrtý jumysy júrip jatqany týraly jazǵan edik.