Abaı oblysynda TJM qyzmetkerleri mal izdeýge shyǵyp, joǵalǵan adamdardy tapty

SEMEI. KAZINFORM — Túnde Aıagóz aýdanynda TJD-niń jedel-qutqarý jasaǵy, polıtsııa qyzmetkerleri jáne týysynyń qatysýymen 1985 jáne 1964 jyly týǵan er adamdardy izdeý jumystary júrgizildi. Bul týraly TJM málim etti.

— Olar mal izdeý úshin avtokólikpen shyǵyp, habarsyz ketken. Іzdeý toby joǵalǵan azamattardy Aıagóz qalasynan 70 shaqyrym qashyqtyqta tapty. Olar medıtsınalyq kómekke muqtaj bolǵan joq, — delingen habarlamada. 

Belgili bolǵandaı, dala jolymen kele jatqan kezde olardyń kóligi qarǵa batyp qalǵan. Olar kólikti tastap, jaıaý júrip, eń jaqyn qaraýsyz qalǵan sharýa qojalyǵynyń úıine jetken. Uıaly baılanys bolmaǵandyqtan olarmen baılanys ornatýǵa múmkin bolmaǵan.

Buǵan deıin BQO-da adasyp ketken malshy bir kúnnen keıin tabylǵanyn jazǵan edik.