Abaı oblysynda túrmeden qashyp ketken adam ustaldy
SEMEI. KAZINFORM - Abaı oblysynda túzetý mekemesinde jazasyn ótep jatqan er adam serýendeý kezinde qashyp ketken.
Áleýmettik jelide óńirdegi túrmelerdiń birinde sottalǵan adamnyń qashyp ketkeni, áli tabylmaı jatqany jaıly aqparat tarady. Osyǵan oraı Kazinform tilshisi Abaı oblystyq Polıtsııa departamentine habarlasyp, bunyń aq-qarasyn surap kórdi.
Departamenttiń baspasóz qyzmeti oqıǵany rastady. Biraq er adam qazir qolǵa túsken.
- Atalǵan sottalǵan azamat 2021 jyly shartty túrde bas bostandyǵynan aıyrý jazasyna kesilgen. Osy jyldyń maýsym aıynda jazany óteý tártibin birneshe ret buzǵany úshin oǵan taǵaıyndalǵan jazanyń ótelmegen bóligi naqty bas bostandyǵynan aıyrý jazasyna aýystyrylǵan. Serýendeý kezinde ol ýaqytsha ustaý ızolıatorynyń aýmaǵynan zańsyz shyǵyp ketken. Jedel uıymdastyrylǵan izdestirý sharalarynyń nátıjesinde ol ustalyp, qaıtadan qamaýǵa alyndy, - delingen aqparatta.
Oqıǵaǵa baılanysty qyzmettik tekserý taǵaıyndalǵan.
Eske salsaq, osyǵan deıin Atyraý túrmesinde kásipkerlerdiń shaǵymynan keıin jaldaý aqysy tómendetilgeni habarlanǵan.
