Abaı oblysynda túrmede jazasyn ótep jatqan adam kóz jumyp, tergeý bastaldy
Abaı oblysyndaǵy túzetý mekemesinde sottalǵan adamnyń kóz jumýyna baılanysty sotqa deıingi tergeý amaldary bastaldy, dep habarlaıdy Kazinform.
Abaı oblysy boıynsha QAJ departamentiniń málimetine súıensek, bul oqıǵa 5 qazan kúni bolǵan.
«Eki sottalǵan adamnyń arasynda ereges týyndap, olardyń biri alǵan jaraqatynan oqıǵa ornynda mert boldy. Osyǵan baılanysty qyzmettik tekserý júrdi. Sonyń qorytyndysy boıynsha túzetý mekemesiniń birqatar qyzmetkeri qatań tártiptik jaýapkershilikke tartyldy», - delingen aqparatta.
Marqumnyń naqty qandaı jaraqattan kóz jumǵany jaıly aqparat berilmedi.
Qazirgi ýaqytta atalǵan fakti boıynsha QR Qylmystyq kodeksiniń 99-baby 1-bóligine sáıkes sotqa deıingi tergeý amaldary júrgizilip jatyr.
Eske salsaq, osyǵan deıin Abaı oblysy boıynsha qylmystyq-atqarý júıesi departamenti sottalǵandardyń túrmede jappaı pyshaqtasqany jaıly aqparatty joqqa shyǵarǵan bolatyn.
