Abaı oblysynda túrmede otyrǵan adam kóz jumdy, kúdikti ustaldy

SEMEI. KAZINFORM – Abaı oblysynda túrmede jazasyn ótep jatqan adamnyń qaza bolýyna qatysty qylmystyq is qozǵaldy.

Ázirge er adamnyń naqty qalaı kóz jumǵany jaıly aqparat joq. Polıtsııa qyzmetkerleri tergeý amaldaryn júrgizip jatyr. Bul týraly oblystyq Polıtsııa departamentiniń baspasóz qyzmetinen habarlady.

— Qylmysqa qatysty kúdikti ustalyp, ýaqytsha ustaý ızolıatoryna qamaýǵa alyndy. Oqıǵanyń barlyq mán-jaıyn jan-jaqty jáne obektıvti anyqtaýǵa baǵyttalǵan qajetti tergeý amaldary júrgizilýde. Basqa aqparatty jarııa etýge zańmen tyıym salynǵan, — dep habarlady vedomstvo ókilderi. 

Tergeý barysy Polıtsııa departamenti basshylyǵynyń erekshe baqylaýyna alynǵan.

Eske salsaq, osyǵan deıin Óskemen turǵynyn óltirgen er adam qylmysyn jasyrý úshin páterdi órtep jibergeni jaıly jazǵanbyz.