Abaı oblysynda sirińkemen oınaǵan balalar 82 tonna pishendi órtep jiberdi
Abaı oblysy Aqsýat aýdanynda sirińkemen oınaǵan balalar 82 tonna pishendi órtep jibergen, dep habarlaıdy Kazinform.
Oqıǵa Aqsýat aýdany turǵyndarynyń biriniń úıinde boldy. Polıtseıler pishendi eki bala órtep jibergenin anyqtady.
«Jergilikti mektep oqýshylary sirińkemen oınap otyryp, kezdeısoq mal azyǵyn órtep jibergen. Osynyń saldarynan shyǵyn kólemi 4 mln teńgeni qurap otyr. Endi balalar keltirgen materıaldyq zalaldy olardyń zańdy ókilderi tólep berýi kerek», - dep habarlady Abaı oblystyq polıtsııa departamentiniń baspasóz qyzmeti.
Qazirgi ýaqytta Qazaqstan Respýblıkasy Qylmystyq Kodeksiniń 202-baby boıynsha sotqa deıingi tergeý amaldary jalǵasýda.
«Eger balalar qaraýsyz qalǵandyqtan órt shyǵyp, bireýge zııan keltirilgen bolsa, onda ata-analar zańda belgilengen tártippen jaýapqa tartylady», - dep eskertti tártip saqshylary.
