«Abaı oblysynda sottalǵandar jappaı pyshaqtasty» – QAJD jaýaby

Abaı oblysy boıynsha Qylmystyq-atqarý júıesi departamenti sottalǵandardyń túrmede jappaı pyshaqtasqany jaıly aqparatty joqqa shyǵardy, dep habarlaıdy Kazinform.

Áleýmettik jelide Abaı oblysyndaǵy túrmelerdiń birinde sottalǵandardyń jappaı pyshaqtasqany jaıly aqparat tarady. Bunyń aq-qarasyn bilý úshin Kazinform tilshisi oblystyq Qylmystyq atqarý júıesi departamentine habarlasyp kórdi.

«Óńir túrmelerinde mundaı jaǵdaı bolǵan joq. Bul jalǵan aqparat», – dep túsindirdi departamentten.

Eske salsaq, osy jyldyń qyrkúıek aıynda Shyǵys Qazaqstan oblysyndaǵy túrmede sottalǵandar jappaı óz tamyrlaryn keskendigi jaıly habar taraǵan bolatyn. Sol kezde QAJ departamenti resmı málimdeme jasap, munyń shyndyqqa janaspaıtynyn málim etti.