Abaı oblysynda sybaılas jemqorlyqqa qarsy is-qımyl sharalary talqylandy
SEMEI. KAZINFORM – Abaı oblysynda sybaılas jemqorlyqqa qarsy is-qımyl sharalary talqyǵa salyndy.
Búgin Abaı oblysy ákimdiginde sybaılas jemqorlyqqa qarsy is-qımyl jónindegi vedomstvoaralyq komıssııasynyń kezekti otyrysy ótti. Oǵan basqarma basshylary, qoǵam belsendileri jáne buqaralyq aqparat quraldary qatysty. Óńir boıynsha jemqorlyqtyń aldyn alý – basty nazarǵa qoıylǵan máselelerdiń biri.
«Otyrys barysynda densaýlyq saqtaý salasy men óńirdiń azyq-túlik qaýipsizdigin qamtamasyz etý kezinde sybaılas jemqorlyqqa qarsy is-qımyl jónindegi jospardyń oryndalýy týraly máseleler talqylandy. Qoǵam belsendileri dári-dármekpen qamtamasyz etý, aýyl sharýashylyǵy jáne azyq-túlikti baqylaýǵa qatysty suraqtaryn qoıdy. Ár saýalǵa tolyqqandy jaýap berilip, ózekti taqyryptarǵa jiti nazar aýdaryldy», - dep habarlady oblys ákimdiginen.
Otyrys nátıjesinde sybaılas jemqorlyqqa qarsy sharalardy odan ári kúsheıtýge baǵyttalǵan birqatar usynym qabyldandy.
Aıta keteıik, vedomstvoaralyq komıssııa josparlardyń oryndalýyna monıtorıng júrgizip, óz jumysyn jalǵastyryp jatyr.
