Abaı oblysynda ishimdik ishken 28 balanyń ata-anasy jaýapqa tartyldy

SEMEI. KAZINFORM — Abaı oblysynda polıtseıler ártúrli quqyq buzǵan jasaǵan 851 balany anyqtady. 

Óńir aýmaǵynda 1 qyrkúıekten beri «Ýchaske» jedel-aldyn alý sharasy ótkizilip keledi. Sonyń barysynda polıtsııa qyzmetkerleri kámeletke tolmaǵandardyń quqyqtaryn qorǵaý men olardyń zań buzýynyń aldyn alýǵa erekshe nazar aýdaryp otyr. 

— Ártúrli quqyq buzýshylyqtar jasaǵan 851 kámeletke tolmaǵan anyqtaldy. Onyń ishinde 28-i alkogol ishimdik ishse, 5-eýi túngi ýaqytta oıyn-saýyq oryndarynda bolǵan, al 773-i qoǵamdyq tártipti buzǵan. Olardyń ata-analary zańǵa sáıkes jaýapqa tartyldy. Al 45 jasóspirim Kámeletke tolmaǵandardy beıimdeý ortalyǵyna jiberildi, — dep habarlady Abaı oblystyq polıtsııa departamentinen.

Sonymen qatar tártip saqshylary profılaktıkalyq esepte turǵan 1 276 turmysy nashar otbasyny tekserdi. Olarǵa túsindirý jumystary júrgizilip, qajetti kómek kórsetildi.

Eske salsaq, osyǵan deıin Astanada 1 000-nan astam bala túzetý ortalyqtarynda kezekte turǵany habarlanǵan.