Abaı oblysynda shına óńdeý zaýytyna qatysty daý boıynsha sheneýnik jazalandy
ASTANA. KAZINFORM — Abaı oblysynyń prokýratýrasy shına óńdeý keshenin salý jobasyn júzege asyryp jatqan ınvestordy negizsiz ákimshilik jaýapkershilikke tartýǵa jol bermedi.
Abaı oblysynyń prokýratýrasy QR Bas prokýratýrasy janyndaǵy Investorlardyń quqyqtaryn qorǵaý komıtetiniń úılestirýimen «Prokýrorlyq súzgi» tetigi aıasynda shına óńdeý keshenin salý jobasyn júzege asyryp jatqan ınvestordy zańsyz ákimshilik jaýapkershilikke tartýǵa jol bermedi.
Prokýratýraǵa kelisýge Tutynýshylardyń quqyqtaryn qorǵaý jáne saýda departamentiniń «Eıkos» JShS-in tutynýshylardyń quqyqtaryn qorǵaý salasyndaǵy zańnamany buzdy degen negizben ákimshilik jaýapkershilikke tartý týraly sheshimi túsken.
Alaıda ýákiletti organnyń ýájderi óz dálelin tappady.
— Osyǵan baılanysty prokýratýra sheshimdi kelisýden bas tartyp, ınvestordy negizsiz ákimshilik qýdalaýǵa jol bermedi, — delingen habarlamada.
Prokýrorlyq qadaǵalaý aktisi boıynsha kináli laýazymdy tulǵa tártiptik jaýapkershilikke tartyldy.
Eske salaıyq, buǵan deıin kásipkerlerge kedergi keltirgen 30 monopolıst jaýapqa tartylǵanyn habarlaǵanbyz.
