Abaı oblysynda shekara mańyndaǵy 11 myń gektar jer zańsyz berilgen

SEMEI. KAZINFORM – Abaı oblysynda shekara mańyndaǵy 11 myń gektar jer zańsyz berilgeni anyqtaldy.

Úrjar aýdanynyń prokýratýrasy shekaralyq beldeýden jer telimderin zańsyz berý faktisin tirkedi.

«Aýdandyq prokýratýra men jergilikti atqarýshy organdar Qazaqstan Respýblıkasy memlekettik shekarasynyń shekaralyq beldeýinen mal sharýashylyǵyn júrgizý úshin 11 myń gektar jerdiń zańsyz berilgenin anyqtady. Qazirgi ýaqytta barlyq mán-jaı tekserilýde», - dep habarlady oblys prokýratýrasynyń baspasóz qyzmetinen.

Búgingi tańda Úrjar aýdany prokýrorynyń usynýmen 9,2 mln teńgege 7,8 myń gektardan astam jer memleketke qaıtaryldy. Qalǵan ýchaskeler boıynsha sotqa talap-aryz berildi.