Abaı oblysynda shahtadan altyn urlaǵan qylmystyq top músheleri ustaldy
SEMEI. KAZINFORM – Abaı oblysy Jarma aýdanyndaǵy shahtadan altyn urlaǵan 4 adam ustaldy.
Oblystyq polıtsııa departamenti baspasóz qyzmetiniń málimetine súıensek, tártip saqshylary Jarma aýdanyndaǵy shahta aýmaǵynan quramynda altyny bar ken urlaǵan qylmystyq topty quryqtady.
«Jedel-izdestirý sharalary barysynda polıtsııa qyzmetkerleri qylmystyq toptyń izine túsip, tórt er adamdy ustady. Olardan metall izdegishter, respıratorlar, ken tasýǵa arnalǵan qaptar jáne shamamen quramynda 3 keli altyny bar ken tárkilendi. Osynyń saldarynan keltirilgen jalpy shyǵyn 3 mln teńgeden asqan», - delingen aqparatta.
Qazirgi ýaqytta asa iri kólemdegi urlyq faktisi boıynsha sotqa deıingi tergeý amaldary bastaldy. Kúdiktiler ýaqytsha ustaý ızolıatoryna qamaýǵa alynǵan.
Eske salsaq, osyǵan deıin Óskemende bıznes ashpaq bolǵan jigit alaıaqqa 23 mln teńge bergeni habarlanǵan.