Abaı oblysynda «Semeıdiń mádenı maýsymdary» jobasy bastaldy
CEMEI. KAZINFORM – Bıyl Naýryz meıramy jalpyulttyq «Naýryznama» onkúndigi aıasynda ázirlengen is-sharalar josparyna sáıkes atalyp ótedi. 14 naýryz – Amal merekesine oraı Semeı qalasyndaǵy Qaraǵaıly yqsham aýdanyndaǵy respýblıka alańynda «Semeıdiń mádenı maýsymdary» jobasy sheńberinde «Semeı kóktemi» festıvali uıymdastyryldy. Alańda sahna qurylyp, kıiz úıler tigildi.
Festıval teatrlandyrylǵan kórinispen bastalyp, onda úlkender men jastar kórisip, «Amal qutty bolsyn!» dep qaýyshý dástúri men alastaý rásimi kórsetildi. Merekelik is-sharaǵa qatysqan oblys ákimi Berik Ýálı jınalǵan jurtshylyqty alda kele jatqan Ulystyń uly kúni – Naýryz meıramymen quttyqtady.
– Tól merekemizdi toılaýdyń mazmunyn ıdeologııalyq mánmen baıyta túsý úshin Memleket basshysy 2024 jyly maquldaǵan «Naýryznama» tujyrymdamasyna sáıkes jańartylǵan formatta – Naýryznama onkúndigi aıasynda ótkizilip jatyr. Bul onkúndiktiń basty maqsaty – Naýryz meıramyn tek bir kúndik dýman emes, tutas bir ulttyq jańǵyrý kezeńine aınaldyrý, – dedi aımaq basshysy.
Oblys ákimi óńirde aımaqtyń mádenı ómirine tyń serpin beretin jańa bastama «Semeıdiń mádenı maýsymdary» atty aýqymdy jobanyń bastalǵanyn jarııa etti.
– Atalǵan joba aıasynda óńirimizdegi mádenı is-sharalar jyldyń tórt mezgiline sáıkes uıymdastyrylady. ıAǵnı, «Semeı kóktemi», «Semeı jazy», «Semeı kúzi», «Semeı qysy» atty mádenı maýsymdar arqyly jyl boıy halqymyzdyń óneri men mádenıeti jańa mazmunda nasıhattalatyn bolady. Barshańyzǵa belgili, Abaı atamyzdyń ózi de tórt maýsymdy jyrǵa qosyp, ataqty «Jazǵytury», «Jaz», «Kúz», «Qys», deıtin tórt maýsymdy bederlegen klassıkalyq óleń jazǵan bolatyn. Bizdiń «Semeıdiń mádenı maýsymdary» hakim atamyzdyń osy jyrlarynan tamyr tartyp otyrǵanyn aıryqsha aıta ketkenimiz jón. Taǵy da bir atap óterligi, búgin ózderińiz jınalyp otyrǵan alań byltyr Respýblıka kúninde paıdalanýǵa berilip, Respýblıka alańy dep ataý usynylǵan bolatyn. Alań tórinde búgin otanymyzdyń kók týy jelbirep, tuǵyryna kóterildi. Kók baıraǵymyz osy jerde endi únemi jelbirep turatyn bolady, – dedi Berik Ýálı.
Aımaq basshysy is-shara barysynda Semeıdi kórkeıtý baǵytyndaǵy jumystardyń qarqyndy túrde jalǵasyp, birneshe esege ulǵaıatynyn, bıyl 100 aýla abattandyrylyp, osynsha aýlaǵa asfalt tóseletinin, 100 kóshege ortasha jóndeý júrgizilip, osynsha kóshe jaryqtandyrylatynyn aıtty.
Aıta keteıik, byltyr 35 aýla abattandyrylyp, 40 aýlaǵa asfalt tóselip, 52 kóshege ortasha jóndeý jasalyp, 15 kóshe jaryqtandyrylǵan bolatyn. Merekelik kontsertte óńir ónerpazdary men shyǵarmashylyq ujymdar óner kórsetti.
«Naýryznama» tujyrymdamasyna sáıkes ótkiziletin 10 kúndik aıasynda oblys boıynsha 300-den astam mádenı, áleýmettik jáne sporttyq is-shara uıymdastyrý josparlanǵan.
