Abaı oblysynda zańsyz paıdaly qazba óndirýmen aınalysqan tulǵalar anyqtaldy
ASTANA. KAZINFORM — Abaı oblysynyń mamandandyrylǵan tabıǵat qorǵaý prokýratýrasy Jarma aýdanynda júrgizilgen reıd barysynda tıisti ruqsatsyz altyn jáne basqa da paıdaly qazbalardy izdeýmen aınalysqan bes tulǵany anyqtady. Bul týraly Bas prokýratýra málim etti.
— Quqyqbuzýshylardan zańsyz qyzmette paıdalanylǵan metall izdegishter tárkilendi. Sot atalǵan tulǵalardy ÁQBtK-niń 463-babynda kózdelgen ákimshilik quqyqbuzýshylyq jasaǵany úshin kináli deptanyp, 41 286 teńge mólsherinde aıyppul salý jáne jabdyqtardy memleket kirisine tárkileý túrindegi jaza taǵaıyndady, — delingen habarlamada.
Abaı oblysynyń mamandandyrylǵan tabıǵat qorǵaý prokýratýrasy paıdaly qazbalardy zańsyz óndirý ákimshilik jáne qylmystyq jaýaptylyqqa ákep soǵatynyn eske saldy.
Eske sala keteıik, buǵan deıin Stepnogorskide zańsyz altyn óndirgen top ustalǵan edi.