Abaı oblysynda ruqsatsyz qoqys tastalǵan 191 oryn joıyldy
ASTANA. KAZINFORM – Abaı oblysy mamandandyrylǵan tabıǵat qorǵaý prokýratýrasy Semeı qalasy men Besqaraǵaı, Borodýlıha, Jańasemeı jáne Aıagóz aýdandarynyń aýmaqtarynda qaldyqtardy ruqsatsyz ornalastyrýdyń 191 ornyn anyqtady.
Prokýratýranyń qadaǵalaý aktisi negizinde barlyq zańsyz qoqys oryndary joıyldy.
- Jiberilgen zańbuzýshylyqtar úshin turǵyn úı-kommýnaldyq sharýashylyq bólimderiniń basshylary, aýyldyq okrýg ákimderi jáne oblystyń tabıǵı resýrstar jáne tabıǵat paıdalanýdy retteý basqarmasynyń birqatar qyzmetkeri tártiptik ári ákimshilik jaýaptylyqqa tartyldy, - delingen aqparatta.
Mamandandyrylǵan tabıǵat qorǵaý prokýratýrasy bul baǵyttaǵy qadaǵalaý is-sharalaryn jalǵastyratynyn habarlady.
Aıta keteıik, depýtattar Astana men Mańǵystaý oblysyndaǵy qoqysty suraptaýǵa qatysty problema kóterdi.