Abaı oblysynda referendým ýchaskesinde erekshe kórme uıymdastyryldy
SEMEI. KAZINFORM - Búgin Aqsýat aýyly 186-shy referendým ýchaskesiniń aýmaǵynda qolóner buıymdary men sýretter kórmesi uıymdastyryldy. Kórmege aýyldyń talantty sheberleri óz shyǵarmalaryn ákelip, kelgen qonaqtarǵa erekshe áser syılady.
Aýyl turǵyndary men daýys berýge kelgen azamattar kórmedegi ár buıymǵa qyzyǵýshylyq tanytyp, sheberlerdiń eńbegin joǵary baǵalady. Bul shara adamdardy shyǵarmashylyqqa jaqyndatýǵa, ulttyq dástúrler men ónerdi dáripteýge múmkindik berdi.
Kórmede túrli qolóner buıymdary, jas sýretshilerdiń shyǵarmalary erekshe nazar aýdardy.
Referendýmǵa kelgen ár azamat óz tańdaýyn jasaı otyryp, sonymen qatar aýyldaǵy mádenı ómirge kýá boldy. Bul shara jastar men úlkenderdiń qyzyǵýshylyǵyn arttyryp, aýyldaǵy rýhanı ómirdi jandandyrýǵa úles qosady.
