Abaı oblysynda psıhıkalyq aýrýy bar 62 adam kólik aıdap júrgen
SEMEI. KAZINFORM – Úrjar aýdanynda psıhıatr-narkologtyń esebinde turǵan 62 adamnyń júrgizýshi kýáligi bar ekeni anyqtaldy. Olardyń densaýlyǵy jol qozǵalysy qaýipsizdigine qaýip tóndiredi.
Prokýratýranyń málimetinshe, mundaı jaǵdaılar jol-kólik oqıǵalaryna sebep bolýy múmkin.
Máselen, 2023 jyly epılepsııaǵa shaldyqqan júrgizýshi kólik tizgininde esinen tanyp qalyp, adam kóp júretin qıylysta jol apatyn jasaǵan. Nátıjesinde eki kólik zaqymdanyp, bir jolaýshy ortasha jaraqat alǵan.
Aýdan prokýrorynyń usynysymen polıtsııa sotqa júginip, 62 azamattyń júrgizýshi kýáliginiń kúshin joıýdy surady. Barlyq ótinish qanaǵattandyryldy.
Budan bólek, prokýratýra psıhıatr-narkologtyń esebinde turǵan azamattar týraly derekterdi polıtsııaǵa joldap, olardy júrgizýshi kýálikterinen jáne qarý ustaý ruqsatynan aıyrý sharalaryn qabyldady.
Qazaqstandyqtar halyqaralyq júrgizýshi kýáligin qaıdan jáne qalaı alýǵa bolatynyn bilgińiz kelse, siltemege ótińiz.