Abaı oblysynda prokýrorlardyń yqpalymen 397 mln teńgeniń jer telimderi memleketke qaıtaryldy
SEMEI. KAZINFORM - Jer zańnamasy Abaı oblysy prokýratýrasynyń erekshe baqylaýynda, dep málim etti oblys prokýratýrasynyń baspasóz qyzmeti.
Baspasóz qyzmetiniń málimetterine qaraǵanda, bıyl jyl basynan bergi qabyldanǵan sharalardyń arqasynda jergilikti atqarýshy organdardyń zańsyz aktileri joıylyp, 397 mln teńgege jalpy aýdany 49 myń ga bolatyn 37 jer ýchaskesi memleket menshigine qaıtaryldy.
Mundaı sheshimderdiń qabyldanýyna jer ýchaskelerin nysanaly paıdalanbaý, olardy qosalqy jalǵa berý, Memlekettik shekaranyń shekaralyq beldeýinde ornalasýy negiz boldy.
Sonymen qatar, oblys prokýratýrasynyń narazylyqtary boıynsha qalalar men aýdandar máslıhattarynyń jer salyǵynyń bazalyq mólsherlemelerin túzetý jáne baǵalaý aımaqtarynyń shekaralaryn jáne jer ýchaskeleri úshin tólemaqynyń bazalyq mólsherlemelerin túzetý koeffıtsıentterin bekitý týraly 4 normatıvtik quqyqtyq aktileri joıyldy.
Máselen, bir jaǵdaıda máslıhattardyń sheshimderin qabyldaý kezinde kúshi joıylǵan jerdi aımaqtarǵa bólý shemasy paıdalanyldy, ekinshi jaǵdaıda kúshine enbegen shema qoldanyldy. Bul jer salyǵynyń bazalyq stavkalarynyń negizsiz ósýine áser etti.
«Búgingi tańda bazalyq stavkalar sáıkestendirildi»,-delingen habarlamada.
