Abaı oblysynda prokýratýranyń aralasýymen 185 jumysshyǵa tıesili 15 mln teńge tólendi
SEMEI. KAZINFORM – Abaı oblysy Jarma aýdanynyń prokýratýrasy «Jarma Sý» jáne «Gorvodhoz» KMK qyzmetine júrgizilgen taldaý barysynda eńbek jáne salyq zańnamasynyń óreskel buzýshylyqtaryn anyqtady, dep habarlaıdy oblystyq prokýratýranyń baspasóz qyzmeti.
Anyqtalǵandaı, 2025 jyl boıy atalǵan kásiporyndar jumyskerler úshin mindetti zeınetaqy, áleýmettik jáne medıtsınalyq aýdarymdardy tólemegen.
Sonyń saldarynan 185 jumyskerdiń konstıtýtsııalyq quqyqtary buzylǵan.
Prokýrorlyq qadaǵalaý aktisi negizinde zań buzýshylyqtar joıylyp, jumyskerlerdiń quqyqtary tolyq qalpyna keltirildi. Jalpy somasy 15 mln teńgeden astam mindetti tólemder óteldi.
Kináli laýazymdy tulǵalar jaýapkershilikke tartyldy.
Azamattardyń eńbek quqyqtaryn saqtaý jáne mindetti tólemderdiń tolyq ári ýaqytyly aýdarylýy Abaı oblysy prokýratýrasynyń erekshe baqylaýynda.
Osyǵan deıin ShQO-da prokýratýrasynyń kásiporyn jumysshylaryna tıesili 14 mln teńge jalaqynyń tólenýine uıtqy bolǵany týraly jazdyq.
