Abaı oblysynda prokýratýra jer qoınaýyn paıdalanýshylardan 100 mln teńge óndirip aldy

ASTANA. KAZINFORM – Abaı oblysynyń mamandandyrylǵan tabıǵat qorǵaý prokýratýrasy 100 mln teńgeden astam somany bıýdjetke tólemegen 25 jer qoınaýyn paıdalanýshylardy anyqtady. Bul týraly Abaı oblysynyń prokýratýrasynyń baspasóz qyzmeti habarlady. 

— Jer qoınaýyn paıdalaný sharttaryna sáıkes, bul qarajat óńirdiń áleýmettik-ekonomıkalyq damýyna baǵyttalýy tıis bolǵan, — delingen habarlamada.

Prokýratýranyń qadaǵalaý aktisi negizinde kórsetilgen somany jer qoınaýyn paıdalanýshylar tolyq kólemde tólegen.

— Jer qoınaýyn paıdalaný salasyndaǵy zańdylyqty qamtamasyz etý jumysy jalǵasyp jatyr jáne prokýratýra organdarynyń turaqty baqylaýynda, — delingen habarlamada. 

Aıta ketelik Abaı oblysy qaıta qurylǵannan beri Úkimet rezervinen 44,3 mlrd teńge alǵany týraly jazǵan edik.