Abaı oblysynda prokýratýra bızneske qatysty 60 zańsyz tekserýdi toqtatty
SEMEI. KAZINFORM - Semeı qalasynyń prokýratýrasy Polıtsııa basqarmasynyń ákimshilik tájirıbesine júrgizilgen taldaý barysynda ÁQBtK-niń 132-baby (kámeletke tolmaǵandardyń túngi ýaqytta oıyn-saýyq mekemelerinde bolýyna jol berý) boıynsha bıznes sýbektilerin ákimshilik jaýapqa tartý kezinde zańbuzýshylyqtardy anyqtady.
Abaı oblysytq prokýratýrasy baspasóz qyzmetiniń habarlaýynsha, zańnamaǵa engizilgen ózgeristerge sáıkes kámeletke tolmaǵandardyń oıyn-saýyq oryndarynda bolý faktilerin tekserý mindetti túrde quqyqtyq statıstıka organdarynda tirkelýge tıis.
Polıtsııa qyzmetkerleri tekserýlerdi tıisti tirkeýsiz júrgizip, olardyń qorytyndysy boıynsha 60 ákimshilik hattama jasaǵan, bul olardy toqtatýǵa negiz bolyp tabylady.
- Qala prokýratýrasynyń qabyldaǵan sharalary nátıjesinde zańsyz ákimshilik ister qaıta qaralyp, toqtatyldy, kásipkerlerdiń quqyqtary qalpyna keltirildi, sondaı-aq zańbuzýshylyqtarǵa jol bergen 11 qyzmetker tártiptik jaýapqa tartyldy, - delingen habarlamada.
Osyǵan deıin Qostanaıda prokýratýra bilim qyzmetkerleriniń 5 mln teńge qosymsha tólem alýyna yqpal etkeni týraly jazdyq.
