Abaı oblysynda polıtsııa júrgizýshilerge eskertý jasady

ASTANA. KAZINFORM – Abaı oblysynyń patrýldik polıtsııa qyzmetkerleri aýa raıynyń kúrt nasharlaýyna baılanysty júrgizýshilerge saq bolýdy eskertti.

Qazir oblystyń soltústigi, ortalyǵy jáne ońtústigi qar aralas jańbyr jaýyp, joldar taıǵaq bolyp tur. Batys pen shyǵys óńirlerinde kóktaıǵaq baıqalady. Jel batystan jáne soltústik-batystan soǵyp tur, keı aýdandarda ekpini sekýndyna 15–20 metrge deıin jetedi.

– Polıtsııa júrgizýshilerge jyldamdyqty azaıtyp, araqashyqtyqty saqtaý jáne kólikterin aldyn ala qysqy dóńgelekke aýystyrý qajettigin eskertedi, – delingen Abaı oblystyq polıtsııa departamentiniń habarlamasynda.

Buǵan deıin elimizdiń 13 óńirinde daýyldy eskertý jarııalanǵan bolatyn.