Abaı oblysynda polıtsııa shamamen 400 avtokólikti qaýipsiz súıemeldedi

ASTANA. KAZINFORM — Abaı oblysyndaǵy keıbir avtojol ýchaskelerinde aýa raıynyń kenetten nasharlaýyna baılanysty ýaqytsha qozǵalys shekteýleri engizildi. Basymdyq — adamdardyń qaýipsizdigi, dep habarlaıdy oblystyq PD baspasóz qyzmeti.

Jol-kólik oqıǵalarynyń aldyn alý jáne táýekelderdi azaıtý maqsatynda polıtseıler jedel túrde avtokólikterdi kolonnamen súıemeldedi.

— Patrýldik polıtsııa ekıpajdarynyń naqty jáne úılesimdi áreketteriniń arqasynda oblys boıynsha shamamen 400 avtokólik qaýipsiz ótkizildi, onyń ishinde 234 jeńil jáne 95 júk kóligi bar. Qozǵalys kezeń-kezeńimen, turaqty baqylaýda jáne bekitilgen tártipke sáıkes júrgizildi. Qabyldanǵan sharalar jol-kólik oqıǵalarynyń sanyn azaıtýǵa, keptelisterdi boldyrmaýǵa jáne trassalardyń eń qıyn ýchaskelerinde kedergisiz ótýge múmkindik berdi, — delingen habarlamada.

Kolonnalardy uıymdastyrý qolaısyz aýa raıy jaǵdaıynda tótenshe jaǵdaılardyń aldyn alýǵa baǵyttalǵan tıimdi profılaktıkalyq sharaǵa aınaldy.

Abaı oblysy Polıtsııa departamenti júrgizýshilerge úndeý jasady: 

•aýa raıy boljamyn muqııat qadaǵalańyzdar;

•jyldamdyq rejımin qatań saqtańyzdar;

•qaýipsiz qashyqtyqty saqtańyzdar;

•avtojol jaǵdaıy týraly resmı aqparatty paıdalanyńyzdar.

Vedomstvo atap ótkendeı, ýaqytsha shekteýler kezinde polıtsııa jáne jol qyzmetkerleriniń zańdy talaptaryn sózsiz oryndaý — jalpy qaýipsizdiktiń kepili. Joldaǵy tártip — ortaq jaýapkershilik. Qaýipsizdik — basty maqsat.

Osydan buryn Pavlodar polıtseıleri sońǵy táýlikte 400-den asa kólikti súıemeldegenin jazǵan bolatynbyz.