Abaı oblysynda polıtsııa qyzmetkerin qorlaǵan adam jaýapqa tartyldy

ASTANA. KAZINFORM – 57 jastaǵy oblys turǵyny alkogoldik mas kúıde polıtsııa qyzmetkerin, onyń qyzmettik mindetterin oryndaý kezinde qorlaǵan.

Oqıǵa polıtsııa bólimi ǵımaratynda bolyp, sot qaraýyna joldandy.

Úrjar aýdanynyń №2 aýdandyq sotynyń sheshimimen er adam bılik ókiline qatysty qorlaý áreketi úshin kináli dep tanylyp, oǵan 40 saǵat mindetti qoǵamdyq jumys túrindegi jaza taǵaıyndaldy.

Abaı oblysy Polıtsııa departamenti 2025 jyldyń basynan beri oblys aýmaǵynda bılik ókilderin qorlaý faktileriniń sany 19-ǵa jetkenin atap ótti. Bul oqıǵalar azamattardyń quqyqtyq tártipti saqtaýy men polıtsııa qyzmetkerleriniń qyzmettik mindetterin oryndaý kezinde olarǵa qurmetpen qaraýy qajet ekenin kórsetedi.

- Abaı oblysy Polıtsııa departamenti turǵyndardy quqyq tártibin saqtaýǵa shaqyrady jáne eske salady: polıtsııa qyzmetkerlerin qorlaý nemese olardyń qyzmetine kedergi jasaýǵa baǵyttalǵan kez kelgen áreket qoldanystaǵy zańnama aıasynda qatań túrde toqtatylatyn bolady. Polıtsııa sondaı-aq osyndaı quqyq buzýshylyqtardyń aldyn alýdyń mańyzdylyǵyna nazar aýdarady jáne azamattarǵa daýly jaǵdaılardy zańdy jolmen sheshýge, ákimshilik nemese qylmystyq jaýapkershilikke tartylmaýǵa keńes beredi, - delingen habarlamada.

Aıta keteıik, Almatyda Nur-Muqasan tobynyń ánshisi soqqyǵa jyǵyldy, polıtsııa is qozǵady.