Abaı oblysynda polıtseıler Táýelsizdik kúni jol qaýipsizdigin kúsheıtti
ASTANA. KAZINFORM — Bir aptadan beri tártip saqshylary qolaısyz aýa raıyna baılanysty táýlik boıy qozǵalysty baqylap, júrgizýshilerge qaýipti ýchaskelerden ótýge jáne kolonnalarmen qaýipsiz júrýge kómektesip keledi.
Abaı oblysy Polıtsııa departamenti baspasóz qyzmetiniń málimetinshe, mereke kúninde de polıtseıler qyzmet ornynda bolyp, jol qozǵalysyna qatysýshylardyń qaýipsizdigin qamtamasyz etip jatyr.
Sonymen qatar saqshylar azamattardy Qazaqstan Respýblıkasynyń Táýelsizdik kúnimen quttyqtap, joldaǵy qaýipsizdik ár júrgizýshiniń jaýapkershiliginen bastalatynyn eske saldy.
— Qolaısyz aýa raıy kezinde polıtseıler 3 myńnan astam kólikke ilesip júrdi. Tótenshe jaǵdaılardyń aldyn alý maqsatynda Almaty, Pavlodar jáne Óskemen baǵyttaryndaǵy avtojoldarda qozǵalysqa ýaqytsha shekteýler engizildi, — delingen habarlamada.
Polıtsııa júrgizýshilerdi jol erejesin qatań saqtaýǵa shaqyrady.
Budan buryn Abaı oblysynda qyzmettik ıtterdiń kómegimen 28 qylmys ashylǵanyn jazǵanbyz.