Abaı oblysynda ózen sýy kóterilip, kópirdi qıratyp ketti

SEMEI. KAZINFORM – Abaı oblysy Aıagóz aýdanynda ózen sýy kóterilip, kópirdi qıratyp ketti. 

Qazirgi ýaqytta Aıagóz aýdanynyń ákimdigi jergilikti aýqymdaǵy tótenshe jaǵdaı jarııalady. 

«Jergilikti mańyzy bar «Aıagóz-Bozaı» jolynyń 20 shaqyrymynda Aıagóz ózenindegi sý deńgeıiniń kóterilýine baılanysty kópirdiń jol tósemi shaıylyp, bir bóligi qırady. Ázirge kólik qatynasy toqtatyldy. Sonymen qatar basqa aınalma kólik joldary arqyly eldi mekenmen baılanysty qalpyna keltirý jumystary júrgizilýde», - dep habarlady óńir ákimdiginen.

Polıtsııa departamentiniń qyzmetkerleri shekteý belgilerin qoıyp, kezekshilik uıymdastyrdy.

«Halyqty Aıagóz ózeni arqyly ótkizý úshin TJD qyzmetkerleri jiberildi. Olar qajet bolǵan jaǵdaıda júzý quraldarynyń kómegimen azamattardy ótkizip otyrady», - delingen habarlamada.