Abaı oblysynda ózen ortasynda qalǵan eki adam joǵalyp ketti

SEMEI. KAZINFORM – Abaı oblysy Aıagóz aýdanynda ózende qalǵan eki adamdy izdestirý jumystary júrgizilip jatyr. 

26 naýryzda Aıagóz aýdanynda 66 jáne 38 jastaǵy eki adam «MTZ 82» markaly traktormen Borly ózeninen ótý kezinde joǵalyp ketken. Olar «Shalqar» qosalqy sharýashylyǵynan Qaraǵash aýylyna qaraı jolǵa shyqqan.

«Er adamdar joldy qysqartý úshin ózen arqyly ótpek boldy. Alaıda ózen ortasynda turyp qalǵan. Oqıǵa ornyna kelgen qutqarýshylar adamdardy tappady», - dep habarlady oblys ákimdiginiń baspasóz qyzmetinen.

Іzdestirý jumystaryna Abaı oblysynyń TJD, Polıtsııa departamenti, jergilikti atqarýshy organdar men áskerılerden jalpy sany 41 adam, 4 júzý quraly, 5 tehnıka, 3 pılotsyz ushý apparaty jumyldyryldy.

Joǵalǵandardyń otbasy men jaqyndaryna psıhologııalyq kómek kórsetý maqsatynda psıhologtar da jiberilgen.