Abaı oblysynda órttiń aldyn alýǵa arnalǵan jańa oqý-tájirıbelik keshen ashyldy
ASTANA. KAZINFORM - Abaı oblysynda órtterdi tergep-tekserý jáne órttiń aldyn alý máselelerine arnalǵan mamandandyrylǵan oqý-tájirıbelik keshen ashyldy, dep habarlaıdy QR Tótenshe jaǵdaılar mınıstrliginiń baspasóz qyzmeti.
Bul stýdentter men qyzmetkerlerge oqıǵa ornyn qaraý, órt oshaǵyn anyqtaý, órt shyǵý sebepterin belgileý jáne dálelder jınaý daǵdylaryn tájirıbe júzinde meńgerýge múmkindik beretin zamanaýı oqý alańy.
-Keshen azamattyq qorǵaý salasyna bilikti mamandar daıarlaýda mańyzdy ról atqaryp, tótenshe jaǵdaılardyń aldyn alý sharalaryn jetildirýge yqpal etedi,-delingen habarlamada.
Osyǵan deıin TJM erikti órt sóndirý pýnkteriniń sanyn 700-ge jetkizýdi josparlap otyrǵany týraly jazdyq.
