Abaı oblysynda órtpen kúreske 180 adam men 26 tehnıka jumyldyryldy
ASTANA. KAZINFORM — Abaı oblysynyń Kókpekti aýdanynda úsh ýchaskedegi órtpen kúres jalǵasyp jatyr.
Oqıǵa ornynda TJM men jergilikti atqarýshy organdardyń shamamen 180 adamy jáne 26 tehnıkasy jumys isteýde. Sondaı-aq sý tógetin qurylǵymen jabdyqtalǵan TJM-niń «Qazavıaqutqarý» tikushaǵy jumyldyryldy. Áýe kemesimen jalpy kólemi 66 tonna bolatyn 22 ret sý tógildi.
Órtti sóndirý jumystaryna qatty jel, jer bederiniń kúrdeliligi jáne qurǵaq ósimdikter kedergi keltirip jatyr. Qutqarýshylar men jumyldyrylǵan kúshter jekelegen órt oshaqtaryn sóndirý jumystaryn jalǵastyryp jatyr.
Jaǵdaıǵa turaqty monıtorıng júrgizilip, órttiń odan ári taralýyna jol bermeý sharalary qabyldanyp jatyr. Jaǵdaı TJM baqylaýynda.
Aıta ketelik Shet aýdanynda órttiń negizgi oshaǵy oqshaýlanǵan edi.
