Abaı oblysyndaǵy órtke baılanysty jedel shtab quryldy
ASTANA. KAZINFORM – Abaı oblysy Jańasemeı aýdany Prırechnoe kentinde kúnbaǵys qabyǵy janyp, órtti sóndirýge Tótenshe jaǵdaılar departamentiniń jeke quramynan 40 adam jáne 16 tehnıka jumyldyryldy.
QR Tótenshe jaǵdaılar mınıstrligi baspasóz qyzmetiniń habarlaýynsha, mınıstrliktiń komandalyq ortalyǵynyń bazasynda jedel shtab quryldy. Órtti sóndirýge TJM, PD, JAO, JShS jáne QR TJM 68303 áskerı bóliminiń 111-den astam adamy men 33 tehnıka jumyldyryldy.
Órt ornynda TJM AMO qyzmetteri men TJD psıhologtary jumys isteýde.
Abaı oblysy Tótenshe jaǵdaılar departamentinde jedel jeli ashyldy 8 (722) 35-38-36.
Órtti sóndirý úshin Qazaqstan TJM avıatsııasy jumyldyryldy.
TJ mınıstri general-maıor Shyńǵys Árinovtiń tapsyrmasy boıynsha órt shyqqan jerge TJM tikushaǵy jumyldyryldy.
Áýe kemesin qoldaný órttiń taralýyna jedel den qoıýdy qamtamasyz ete otyryp, órt sóndirýdiń jyldamdyǵy men tıimdiligin arttyrady.
- Qazaqstannyń TJM órtti sóndirý jáne halyqtyń qaýipsizdigin qamtamasyz etý úshin barlyq qajetti sharalardy qabyldaýda, - delingen habarlamada.