Abaı oblysynda ónim kólemin arttyrý jumystary jalǵasyp jatyr

SEMEI. KAZINFORM – Oblysta óńir halqynyń qajettiligin azyq-túlikpen qamtamasyz etý maqsatynda agroónerkásiptik keshenniń barlyq salasyn odan ári damytý jáne aýyl sharýashylyǵy ónimderin óndirý men qaıta óńdeý kólemin ulǵaıtý jónindegi sharalar júzege asyrylyp jatyr. 

Abaı oblysynyń aýyl sharýashylyǵy jáne jer qatynastary basqarmasynyń málimetine sáıkes 2023 jyly oblystyń aýyl sharýashylyǵy taýaryn óndirýshiler men qaıta óńdeý kásiporyndary 39,0 myń tonna sıyr jáne 17,5 myń tonna qus eti, 60,1 mln dana jumyrtqa, 168,0 myń tonna kartop, 21,0 myń tonna sábiz, 3,0 myń tonna pııaz, 23,3 myń tonna qyryqqabat, 127,3 myń tonna ósimdik maıy, 66,1 myń tonna un, 8,5 myń tonna nan jáne 2,9 myń tonna makaron ónimderin óndirdi. 

Etti mal sharýashylyǵyn damytý maqsatynda oblysta barlyǵy 39 bordaqylaý alańy jumys isteıdi. Onyń ishinde 22,0 myń basqa arnalǵan 11 ónerkásiptik tıptegi (bir mezgilde 1 000-nan astam buqa bordaqylanady).

Búgingi tańda sút ónimderin shyǵarý jylyna jalpy jobalyq qýaty 18 myń tonna bolatyn 7 sút óńdeý kásipornynda júzege asyrylady (júktemesi 50%).

Aıta ketsek, bul baǵyttaǵy jumystar belsendi jalǵasyp jatyr jáne Abaı oblysy ákimdiginiń tikeleı baqylaýynda.