Abaı oblysynda merdiger ınertti materıaldardy zańsyz óndirgen
ASTANA. KAZINFORM – Abaı oblysy Besqaraǵaı aýdanynyń prokýratýrasy Ertis ózeniniń jaǵalaý syzyǵyn nyǵaıtýǵa bólingen bıýdjet qarajatyn jumsaý kezinde zań buzýshylyqtardy anyqtady.
2025 jyldyń sońynda «Tehservıskom» JShS ózen jaǵalaýynyń 600 metrlik ýchaskesin nyǵaıtý jumystaryn júrgizgen.
Prokýrorlyq tekserý barysynda merdiger uıym ınertti materıaldardy belgilengen tártippen satyp alýdyń ornyna, tıisti ruqsat qujattarynsyz eldi meken jerlerinen olardy óz betinshe óndirgeni anyqtaldy.
Osy fakti boıynsha Qazaqstan Respýblıkasy Qylmystyq kodeksiniń 334-baby («Jer qoınaýyn óz betinshe paıdalaný») boıynsha sotqa deıingi tergep-tekserý bastaldy. Sonymen qatar, qadaǵalaý aktisi boıynsha kináli laýazymdy tulǵalar tártiptik jaýapkershilikke tartyldy.
Sondaı-aq sot merdiger uıymdy ınertti materıaldardy satyp alýǵa bólingen bıýdjet qarajatynyń negizsiz alynǵan 15,7 mln teńgesin memleketke óteýge mindettedi.
Aıta ketelik Ulytaýda zańsyz marganets óndirgender 1 mlrd teńgeden astam ónimdi shetelge jóneltken.
