Abaı oblysynda mektep býhgalteri 18 mln teńgeden astam qarjy jymqyrǵan
ASTANA. KAZINFORM — Maqanshy aýdanynyń prokýratýrasy Qarabutaq orta mektebinde bıýdjet qarajatyn jymqyrý faktisin anyqtady. Bul týraly Bas prokýratýra málim etti.
— Mekemeniń bas esepshisi aı saıyn ózine eki eselengen jalaqy eseptep otyrǵan, sondaı-aq is júzinde eńbek qyzmetin atqarmaǵan jubaıyna zańsyz túrde jalaqy aýdarǵan. Zańsyz áreketterdiń nátıjesinde 18 mln teńgeden astam bıýdjet qarajaty jymqyrylǵan, — delingen habarlamada.
Aýdan prokýratýrasy Qazaqstan Respýblıkasynyń Qylmystyq kodeksiniń 189-baby 3-bóligi (senip tapsyrylǵan bóten múlikti ıemdenip alý nemese talan-tarajǵa salý) boıynsha sotqa deıingi tergep-tekserýdi bastady. Qazirgi ýaqytta keltirilgen zalal ishinara óteldi.
Buǵan deıin Abaı oblysynda 7 mlrd teńgege jýyq qarjy jymqyrǵan uıymnyń qyzmeti áshkere bolǵan edi.
