Abaı oblysynda mektep avtobýstarynyń qaýipsizdigine baqylaý kúsheıtildi
ASTANA. KAZINFORM — Jańa oqý jyly qarsańynda Abaı oblysynda oqýshylardy tasymaldaý qaýipsizdigine erekshe kóńil bólinip otyr, dep habarlaıdy oblystyq polıtsııa departamentiniń baspasóz qyzmeti.
Polıtsııa qyzmetkerleri avtobýstardyń tehnıkalyq jaǵdaıyn, júrgizýshilerdiń qujattaryn, medıtsınalyq tekserýden ótýin, sondaı-aq balalardy tasymaldaýǵa qoıylatyn talaptardyń saqtalýyn tekserip jatyr.
— Júrgizýshilerdiń belgilengen jyldamdyq rejımin jáne oqýshylardy avtobýsqa otyrǵyzý men túsirý erejelerin saqtaýyna erekshe nazar aýdarylady. Júrgizýshilermen jáne bilim berý uıymdarynyń ókilderimen profılaktıkalyq túsindirý jumystary júrgiziledi, — delingen habarlamada.
Polıtsııa ata-analarǵa balalarǵa avtobýsta qaýipsizdik beldigin taǵý, qozǵalys kezinde ornynan turmaý jáne júrgizýshini alańdatpaý kerektigin túsindirýdi eskertedi.
Osyǵan deıin Abaı oblysynda túngi reıd kezinde 409 jasóspirim polıtsııaǵa jetkizilgenin jazdyq.
