Abaı oblysynda mal urlaǵan 11 adam sottaldy
ASTANA. KAZINFORM – Abaı oblysynyń Besqaraǵaı aýdanynda mal urlyǵymen aınalysqan 11 adam ártúrli merzimge bas bostandyǵynan aıyryldy, dep habarlaıdy prokýratýra.
Jedel-tergeý is-sharalary barysynda aýdandaǵy sharýa qojalyqtarynyń birinen usaq maldy birneshe ret urlaýǵa qatysy bar adamdar tobynyń qylmystyq áreketi toqtatylǵan.
Tergeý nátıjesinde birneshe urlyqqa 11 adamnyń qatysy bary anyqtaldy. Olar jalpy 36 bas usaq maldy urlaǵan. Sondaı-aq taǵy 14 bas maldy urlaýǵa áreket jasaǵan.
Tergeý aıaqtalǵannan keıin qylmystyq is sotqa joldandy.
– Sot talqylaýy barysynda memlekettik aıyptaýshy sottalýshylardyń taǵylǵan qylmystardy jasaýdaǵy kinásin rastaıtyn dáleldemelerdi usyndy. Sot úkimimen barlyq 11 sottalýshy kináli dep tanylyp, ártúrli merzimderge bas bostandyǵynan aıyryldy, – delingen prokýratýra habarlamasynda.
Qazirgi ýaqytta sot úkimi zańdy kúshine engen joq.
Aıta keteıik, buǵan deıin Abaı oblysynda mal urlyǵynyń aldyn alý maqsatynda 2 myńnan astam malǵa GPS-baqylaý qurylǵysy ornatylǵanyn jazǵan edik.
