Abaı oblysynda kóshi-qon zańnamasyn buzǵan azamat elden shyǵaryldy

SEMEI. KAZINFORM – Abaı oblysynda kóshi-qon zańnamasyn buzǵan azamat jaýapqa tartyldy. 

Polisia.kz-tiń málimetinshe, jyl basynan beri Abaı oblysynda Qazaqstan Respýblıkasynyń azamattyǵyn joǵaltýdyń úsh jaǵdaıy tirkelgen. Barlyq quqyq buzýshy jaýapkershilikke tartylyp, elden shyǵaryldy. 

Olardyń biri – Borodýlıha aýdanynyń 24 jastaǵy turǵyny. Ol kóshi-qon zańnamasynyń talaptaryn oryndamaǵany úshin jaýapkershilikke tartyldy. Mıgratsııalyq qyzmet júrgizgen tekseris barysynda onyń Reseı Federatsııasynyń azamattyǵyn alǵany, biraq belgilengen merzimde Qazaqstan Respýblıkasynyń qujattaryn tapsyrmaǵany anyqtaldy. Sol sebepten onyń pasporty men jeke kýáligi tárkilenip, azamattyǵyn joǵaltý rásimi resmı túrde tirkeldi. Sonymen qatar ol Ákimshilik quqyq buzýshylyq týraly kodekstiń 496-babynyń 2-bóligine sáıkes ákimshilik jaýapkershilikke tartylyp, elden shyǵaryldy.

Eske salamyz, Qazaqstan Respýblıkasynda qos azamattyqqa tyıym salynǵan. Shetel memleketiniń azamattyǵyn alǵan tulǵalar 30 kúntizbelik kún ishinde mıgratsııalyq qyzmetke habar berip, Qazaqstan Respýblıkasynyń qujattaryn tapsyrýǵa mindetti. Bul talapty oryndamaý aýyr saldarǵa ákelýi múmkin.

Eske sala keteıik, buǵan deıin Abaı oblysynda tórt kúnde mas kúıde kólik aıdaǵan 11 adam ustalǵanyn jazǵan edik.