Abaı oblysynda kómir baǵasyn qymbattatqan kompanııaǵa aıyppul salyndy
ASTANA. KAZINFORM – Básekelestikti qorǵaý jáne damytý agenttiginiń Abaı oblysy boıynsha departamenti «Qarajyra» AQ-ǵa qatysty tergep-tekserýdi aıaqtady.
Tergep-tekserý barysynda kommýnaldyq-turmystyq kómirdi kóterme saýdasynda monopolııalyq joǵary baǵa belgileý faktisi anyqtaldy.
Atap aıtqanda, 2022 jyldyń birinshi jartyjyldyǵynda kompanııa kommýnaldyq-turmystyq kómirdi kóterme saýda naryǵynda ústem jaǵdaıǵa ıe bola otyryp, atalǵan taýarǵa monopolııalyq joǵary baǵa belgilep, óziniń ústem jaǵdaıyn teris paıdalanǵan. Bul áreket básekelestikti qorǵaý salasyndaǵy zańnamany buzýǵa jatady.
— Tergep-tekserý materıaldary negizinde ákimshilik is qozǵaldy. Semeı qalasynyń Ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysymen kompanııa ákimshilik jaýapkershilikke tartyldy. Qoldanylǵan sharalardyń jalpy somasy 87,4 mln teńge boldy, onyń ishinde 52,4 mln teńge kóleminde aıyppul jáne 35 mln teńge kólemindegi monopolııalyq tabysty tárkileý, — delingen habarlamada.
Qazirgi ýaqytta sot sheshimi zańdy kúshine endi. Ákimshilik aıyppul erikti túrde tólendi, al monopolııalyq tabys tolyq kólemde memleket kirisine óndirildi.
Sondaı-aq, departament monopolııaǵa qarsy zańnama normalaryn buzýdyń saldaryn joıý týraly nusqama shyǵardy, ol «Qarajyra» AQ tarapynan tolyq oryndaldy.
Aıta ketelik básekelestik erejesin buzǵan mıkroqarjy uıymyna shara qoldanylǵan edi.
